Cargando Eventos

« Todos los Eventos

  • Este evento ha pasado.

18 de marzo: Bici de Montaña en Cerdedo: Pedre e Monte Seixo

18/03/2023, 09:30 - 14:30

DATA: sábado, 18 de marzo
HORA: 9:30
LUGAR: Aparcamento estación de servizo Repsol (Cerdedo)

Saída de bici de montaña pola Terra de Montes (Cerdedo e Forcarei) na que subiremos ao Monte Seixo, máxima altura da zona, para poder contemplar Portalén e o marco do vento. Polo camiño pasaremos por Pedre, no que se conserva un fermoso eirado de hórreos, por Caroi, onde comezaremos ascenso ata a ermita de Santa Mariña, pasando por unha neveira.

Chegados a Santa Mariña, poderemos contemplar (se o día o permite) as rías baixas, pois neste punto, en días claros pódense observar as Rías de Vigo, Pontevedra e Arousa.

Despois seguiremos roteiro polo monte Seixo, onde veremos o Marco do Vento, restos dun menhir que se atopa preto do cumio, e Portalén, conxunto de pedras, que segundo as lendas son unha porta de comunicación entre o mundo dos vivos e o mundo dos mortos.

Desde aquí emprenderemos a baixada ata Cerdedo, para logo voltar ao punto de inicio do percorrido.

Ruta de 30 km e dificultade alta, polos desniveis que hai que salvar, xa que partindo de 350 m chegaremos a unha altitude máxima de 950 m sobre o nivel do mar.

Inscrición: Bici de montaña en Cercedo

Detalles

Fecha:
18/03/2023
Hora:
09:30 - 14:30
Categoría del Evento:

Local

stación de Servicio Repsol, N-541, Cerdedo
stación de Servicio Repsol, N-541, Cerdedo + Google Map