En canto cheguemos ao Porto Ancares ( mochila de ataque preparada), iniciamos a subida ao Pico Cuiña, cumio da serra con 1.987m., para descender cara o Penalonga 1.842m. e sempre con vistas ás dúas caras da serra, Piornedo a un lado, ao outro Burbia. Continuaremos o camiño cara o Mostellar, quizáis o máis emblemático e coñecido con 1.924m., e cresteando cara o Pico de Lagos onde comezaremos o descenso aos lagos de Vilouso, nacentes do río Burbía e seguiremos decendendo polo precioso bosque del Acebalin ata Burbia, fin do percorrido.

De novo dende o alto do Porto de Ancares, partiremos en dirección contraria ao día anterior, cara ao Pico Miravalles 1.969 m. Unha preciosa montaña cunhas vistas esplendidas do val de Balouta e ao fondo as primeiras montañas de Asturias, cresteando sen dificultade chegaremos a uns canchales de rocha solta pero sen perigo cara ao colado que nos conduce ao cumio. Iniciaremos o descenso ata o colado e dende aí descenderemos por un camiño de bosque a Tejedo de Ancares, onde nos recollerá o autobús.