2 de novembro (Collado Jermoso (2059 m)- Vega de Urriellu (1960 m)): Sairemos do Refuxio de  Collado Jermoso con dirección ás Colladinas, desviándonos para ir á Torre de Llambrión (2647 m). Seguiremos as marcas amarelas que nos acompañan ata chegar ao paso máis exposto e aéreo, onde desaparecen, sendo necesario relalizar varias trepadas. Dende aquí seguimos os fitos, con algunha trepada máis ata a cima. Dende o cumio, moi preto da mesma, a uns 15 metros, baixaremos por unha cheminea escondida cara ao Hoyo de Tras Llambrión, coninuando á Collada Blanca e posteriormente deixando á dereita os Hoyos Sengros, para chegar a Cabana Verónica. De Cabana Verónica seguimos o carreiro que vai ao Colado de Horcados Rojos (2502 m),  que deixamos un pouco á esquerda para subir á Torre de Horcados Vermellos. Tras baixar polo mesmo sitio desta, sen chegar ao colado, subimos un pouco cara á nosa dereita para baixar ata o Jou dos Boches e Jou sen Tierre, todo por senda ben marcada, cun par de  trepadas evitables, para chegar o Refuxio de la Vega de Urriellu.

3 de novembro (Vega de Urriellu (1960 m)-Caín (454 m)): Entraremos a Hou sin Tierre polo lado occidental, tomando despois dirección á Horcada de Caín (2394 m). Deixando á dereita Torrecerredo, enfiaremos a Canal de Dobresengos, que nos deixará en Caín, onde colleremos o taxi de volta a Posada. Non se trata dunha etapa longa, pero para non chegar a Vigo moi tarde, deberemos facer unha baixada o máis áxil posible. Ruta a marcha rápida dunha duración de 7h

Debido ás característica do terreo, especialmente do segundo día, deberemos levar casco.

**Todas estas actividades poden ser modificadas por adversidades metereolóxicas.